Mandok Hata Mangulosi Pengantin : Tulang
= Mangulosi Pengantin
Contoh Mandok Hata :
Horong Ni Hulahula/ Tulang
Mangulosi Pengantin
#HATANA_DOHOT_UMPASANA :
Parjolo Ma Tadok Maulite Tu TuhanTa Pardenggan Basa i, Ala Dilehon Do Dihita Hahipason Jala Denggan Do Mardalan Ulaonta Sadarion.
Onpe Dihamuna Namborunami (Ibotonami) Dohot Amangboru Nami, Hombar Tu Gokkhon Dohot Jou-jou Muna Dison Jongjong Do Hami Hula-hula/ Tulang Muna Makkalasson Dinaung Ojak Parsaripeon Ni Berenami Dohot Borunami.
Songon Dia Las NI Roha Muna Diulaotta Sadarion Songon Ido Las Ni Roha Nami Angka Hulahula (Tulang) Muna.
Tangiang Nami Di Namboru (ito) Nami Dohot Amangboru Nami...
Sai Dipasupasu TuhanTa Ma Hamu
Dilehon Dihamu Ganjang Ni Umur Dohot Hahipason Jala Tiur² Ma Angka Passamotan Di Hamuna.
Asa Dohonon ma Songon Nidok Ni Situatua :
Andor Hadumpang Togu² Ni Lombu
Andor Hatiti Togu-togu Ni Horbo,
Nang² Saurmatua Ma Hamu Patogutogu Pahompu
Sahat Tu Namarnini Sahatma Tu Namarnono.
Saonari Hata On Tu Bere Dohot Boru Nami Ma ;
Horas Ma Dihamu Nadua....
Parjolo Sahali Dohonon Nami Ma Di Hamu Selamat Berbahagia.
Dison... Rodo Hami Angka Tulangmu, Makkalasson Di Naung Ojak Parsaripeon Muna Nadua.
Tangiang Nami TU AMATTA DEBATA PARDENGGAN BASA I :
Sai Gabe Keluarga Na Berbahagia Hamu, Namambaen Las Roha Ni Sude Keluarga Jala Namambaen Sangap Di Goar Ni TuhanTa.
Hatop Ma Dilehon TuhanTa Dihamu Hagabeon, Marurat Ma Hamu Bagas Tu Toru, Marbulung Ma Timbo Tu Ginjang Mardakka Tusiamun Jala Marratting Ma Tuhambirang.
Pangidoan Nami Dihamu Nadua :
Sisada Roha Jala Sisada Tahi Ma Hamu, Marsihaholongan Jala Marsianjuajuan ma Hamu Nadua.
Ingot Hamu Ma Hata Ni TuhanTa Napinasahat NI NaposoNa i :
"TUNG NASO JADI SIRANG IA SO SINIRANG NI HAMATEAN".
Ingot Hamu Mai Jala Ulahon Hamu.
Di Las Ni Roha mi Dipartikkian On Pasahaton Nami Ma Songon Parbue Niholongnami, Ima Ulos Naganjang Ulos Sitorop Rambu Ulos Na Hapal, Dalan Nami Mangido Tu AMANTA DEBATA Asa Anggiat Ganjang Barita Gabe Jala Ganjang Ma Barita Horas, Jala Siganjang Umur ma Hamu, Jala Sitorop Pinompar Ma Hamuna Jala Hapal Ma Pangabahan Dihamuna Pasahaton Ni TuhanTa Tu Joloan Ni Ari On.
Asa Dohonon Nami Ma...
Songon Hata Ni Situa tua :
Asa Diginjang Ma Arirang
Ditoru Ma Panggonggonan,
Parsaripeonmuna Ma Naso Jadi Sirang
Tondi Muna Sai Hot Ma Marsigomgoman.
Tubu Laklak, Lakkak Ni Singhoru
Didolok Ni Purba Tua,
Tubuan Anak Tubuan Boru Ma Hamu
Donganmu Sahat Tu Nasaurmatua.
Asa Bona Ni Aek Puli
Didolok Ni Sitapongan,
Sai Dor Ma Dihamu angka Nauli
Sai Luju luju Ma Angka Pansamotan.
Sahat Sahat Ni Solu
Sahat Ma Tinogu Tu Bottean, Nungnga Sahat Ojak Pardongan Saripeon Muna, Sai Sahat Ma Hamu Leleng Mangolu
Sahat Ma Tu Parhorasan Jala Sahat Ma Tu Panggabean.
E M M A T U T U 🙏 🙏🙏
Tabe Mardongan Tangiang
#MangulosiPengantin
#MandokHata #Mangulosi
#AdatBatak #Umpasa
#Nb :
Mohon Dibagikan Postibgan Ini 🙏
Post a Comment for "Mandok Hata Mangulosi Pengantin : Tulang"