Mandok Hata :Pasahat Ulos Panggabei
Tips Mandok Hata :
Pasahat Ulos Panggabei
" DI ACARA ADAT SAURMATUA "
HATANA DOHOT UMPASANA
Singkat, Padat Dan Praktis ✅
#HATANA :
Parjolo Ma Tadok Mauliate Tu TuhanTa Pardenggan Basa i, Namangalehon Hahipason Dihitaon Saluhut.
Dison Rodo Hami...(Tulangmu)
Di Adat Parsaurmatuaon Ni...
(Amangboru/ Namboru Nami On )
Huboan Hami Do Parbue Pir Sikkat Ni Eme Namarlundu
Sai Asima Roha Ni TuhanTa Dihamu, Sai Lunduma Dihamu Angka Panggabean.
Asa Pirma Pokki
Bahul-bahul Ma Passalongan,
Pir Ma Tondi Mu Pomparan Ni...
Sai Luju-luju Ma Angka Passamotan.
Di Adat Parsaurmatuaon Ni...
(Amangboru/ Namboru Nami On)
Huboan Hami Do Ulos Panggabei,.
Ulos Naganjang Jala Sitorop Rambu
Dalan Ni Tangiang Dohot Pangidoan Nami Tu TuhanTa Pardenggan Basa i, Sai Angka Diganjang Umur Ma Hamu Sude Jala Sitorop Pinoppar
Jala Hapal Nang Angka Pangabahan Di-Pasahat TuhanTa Tu Hamu.
Godang Na..
#UMPASANA :
Timbo Tiang Ni Ruma
Untimboan Tiang Ni Sopo,
Nungga Gabe (Amangboru - Namboru) Nami Naung Saurmatua On.
Sai Unggabean Ma Hamu Pamparanna Angka Sundut Naumposo.
Balittang Ma Pagabe
Tumandakhon Sitadoan,
Arimu do Gabe
Ala Takkas Do Hamu Marsipaolooloan.
Bona ni Aek Puli
Didolok Ni Sitapongan,
Sai Dorma Dihamu Angka Nauli
Lujuluju Ma Angka Passamotan.
Sahat Sahat Ni Solu
Sahat Ma Tinogu Tu Bottean,
Sahat Ma Hamu Leleng Nangolu
Sahat Tu Parhorasan Jala Sahat Ma Tu Panggabean.
E M M A T U T U
Onma...Contoh Sederhana Mandok Hata, Pasahat Ulos Di Acara Adat Saurmatua.
Molo Adong Nahurang Lobi Rap Ma Hita Pasikophon
#AdatSaurmatua #AdatBatak
Nb : Mohon Dibagikan ya..
Post a Comment for "Mandok Hata :Pasahat Ulos Panggabei"