Pasahat Tintin Marakkup

#EDUKASI_ADAT_BATAK: ♥️🙏

   =Pasahat Tintin Marakkup

#Contoh :

- Parboru Marga Sitorus

- Paranak Marga Pakpahan

- Sijatimar Marga Siahaan

#SUHUT_PARBORU  :

Horas...Ma Di Hamu Tulang Ni Hela Nami, Haha Parhundul Nami,

 Raja i Marga.... (Siahaan) 

Parjolo Ma Tadok Mauliate Tu TuhanTa Pardenggan Basa i Namangalehon Hahipason Dihitaon Saluhut Na 🙏 

Dison Ro do Hami Anggi Parhundul Muna Marga...(Sitorus), Mandapothon Hamu. 

Di Ari Nauli, Di Bulan Nadenggan On, Di Taon Parasian On, Dinaung Ojak Parsaripeon Ni Beremu Dohot Boru Nami.

Beremu  Naung Gabe Hela Nami 

Hombar Tu Adat Napinukka Ni Omputta Sijolo-jolo Tubu i, Gabe Sisada Boru Mahita Di Boru Namion.

Adong Hata Ni Natuatua Namandok :

Dangka Ni Hau Dulang 

Binahen Panjomuran Ni Rere,

Sai Hot Do i Boru Ni Tulang 

Tung Boru Ni Ise Pe i Dilalap Bere 

Marhite Sian Ima  Rajanami Haha Parhundul, Ro Hami Mandapothon Hamu Ima Tulang Ni Hela Nami, Laho Pasahathon Sebagian Sinamot Ni Boruta On, Ima Goar Na Jambar Tintin Marangkup Tu Hamu Tulang Ni Hela Nami, Paboa Naung Sisada Boru Hita Di Borutta On Mulai Sian Partikkian On.

Rajanami Haha Parhundul...

Godang Do Hujalo Hami Sinamot Ni Borutta i Sian Pamoruanta Marga....(Pakpahan) 

Onpe Appara Sidoli...Paboa Naung Sisada Boru Hita Di Borutta On, Pasahaton Nami Ma Tuhamu Sebagian Sinamot Ni Borutta Na Godang i, Asa Rap Hita Makkalasson Jala Rap Hita Marsaulihon.

Pangidoan Nami Tu Hamu :

Asa Sisada Tangiang, Sisada Pangidoan Ma Hita Tu TuhanTa Pardenggan Basa i, Asa Anggiat Gabe Jala Horas Parsaripeon Ni Borutta On, Dipasupasu TuhanTa Nasida Hatop Gabe. 

Tu Joloan On....Appara Sidoli 

Molo Adong Angka Ulaon Na Marragam i Di Rumatangga Ni Borrutta On :

Asa Satahi Sauduran Ma Hita Mangoloi Nasida.,

Molo Hami Dijolo Hamu Ma Dipudi Nami,

Molo Hamu Dijolo Mangihut Ma Hami Dipudi Muna.

Asa Balittang Ma Pagabe 

Tu Mandakhon Sitadoan,

Aritta Ma Gabe

Ala Takkas Do Hita Masipaolooloan.

Onpe Amang Haha Parhundul...

Paboa Naung Sisada Boru Hita Diboruta On...

Pasahaton Nami Ma Sinamot Ni Boruta On Tu Hamu, Las Ma Roha Mu Manjalo.

Asa Songon Nidok Ni Situatua Ma Dohon Nami :

Sititi Ma Sihompa 

Golang Golang Pangarahutna,

Tung Songon Onpe Sinamot Ni Borutta Naboi Hupasahat Hami Sai Godang Ma Pinasuna.

E M M A  T U T U   🙏 

Molo Tung Adong Nahurang Lobih Rap Hita Pasikophon, Postingan On Holan Sekedar Contoh Doon Amang Raja inang Soripada 🙏

#TintinMarakkup #AdatBatak

#Nb :

Mohon Dibagikan 🙏

Share :