Pasahat Dekke Di Acara Tardidi ✅
Pasahat Dekke Di Acara Tardidi ✅
Antar Songon ma Hatana :
Parjolo ma Tadok Mauliate Tu TuhanTa Pardenggan Basa i, Namangalehon Hahipason Di Hita Saluhut Na Tarlumobih ma Di Pahompu Nami Na Tardidi Mangojakhon Goar Na Di Bagas Joro Ni TuhanTa Dibagasan Hahipason.
Di Las Ni Roha Nami...
Dihamu Hela Nami Dohot Di Boru Nami, Tarlobih ma Di Pahompu Nami..,
Huboan Hami do Dison Dekke Upa upa Tu Hamu, Patuduhon Las Ni Roha Nami Di Na Tardidi Pahompu Nami Sadarion.
Ima Dekke Sitiotio, Dekke Simudurudur, Dekke Sahat, Sai Asima Roha Ni TuhanTa, Sai Tu Tionama Dihamu Panggabean Dohot Parhorasan Jala Sai Mudur udur Ma Dihamu Angka Silas Ni Roha, Jala Sahat Ma Nauli Sahat ma Nadenggan Di Pasahat TuhanTa Di Hamu Tu Joloan On.
Songon ima Nang Pahompu Nami Sai Simbur Magodang Ma ibana, Sitokka ma Ibana Panahit nahiton, Sai Horas ma Ibana Manjujung Goar Na i.
Tung Songon pe Dekke Naboi Tarpasahat Hami Di Na Tadididi Pahompu Nami On Las ma Rohamu Manjalo.
Dohonon Nami ma Hata Ni Umpasa :
Asa Sititik ma Sihompa
Golang golang Pangarahut na,
Tung Songon Onpe Dekke Na Hupasahat Hami Tu Hamu Na
Tuhan Ta ma Namang Gohi PasumasuNa
Sahat Sahat Ni Solu
Sahat Ma Tinogu Tu Bottean,
(Nungga Sahat Tardidi Pahompu Nami)
Sai Sahat ma Hita Leleng Mangolu
Sahat ma Horas jala Sahat ma Tupanggabean.
E M M A T U T U 🙏🙏🙏
Tabe ma Mardongan Tangiang
#PasahatDekke
#PestaSyukuranTardidi
#UmpasaBatak
#EdukadiAdatBatak
Nb :
- Tolong Dibagikan Postingan ini 🙏
Post a Comment for "Pasahat Dekke Di Acara Tardidi ✅"