TIPS' PASAHAT ULOS HELA :
HATANA DOHOT UMPASANA
NATORAS NI SIBORU MULI : ✅
Di Helakhu Dohot Borukku...
Selamat Berbahagia Ma Dihamu Nadua.
Tapuji Ma TuhanTa Debata Pardenggan Basa i, Ai Nungnga Dipatulus Be Sangkap Muna Nadua Gabe Sada Rumatangga Naimbaru.
Pangidoan Nami Dihamu Nadua :
Marsihahaholongan Jala Marsianjuajuan Ma Hamu, Sisada Tahi Jala Sisada Roha Ma Hamu Laho Mangalugahon Rumatangga Mu.
Ingot Hamu Ma Hata Ni TuhanTa Napinasahat Ni Amatta Pandita i :
Tung Naso Jadi Sirang iya So Sinirang Ni Hamatean.
Di Las Ni Roha Nami Dipartikkian On Pasahaton Nami Ma Tu Hamu Ulos Hela, Songon Tanda Ni Holong Ni Roha Nami Di Hamu Nadua.
Ulos Na Ganjang Doon Jala Ulos Sitorop Rambu Na Umpinta Ganjang Ni Umur Dohot Torop Ni Pinompar Dihelaku Dohot Borungku
Ulos Nahapal Doon, Sai Hapal Ma Angka Passamotan Di-Pasahat TuhanTa Tu Hamu Tujoloan On.
Las Ma Rohamu Manjalo.
Asa Dohonon Ma Nidok Ni Umpasa :
Di Ginjang Ma Arirang
Di Toruna Panggonggonan
Badan Muna Ma Nasora Sirang,
Tondimuma Sai Hotma Masigonggoman.
Bintang ma Narumiris
Ombun Nasumorop
Di Dolok Ni Purba Tua,
Sai Tubu ma Dihamu Anak Riris
Dohot Boru pe Antong Torop
Dongan Muna Sahat Tu Na Saurmatua.
Bona Ni Aek Puli
Di Dolok Ni sitapongan
Sai Dor Ma Di Hamu Angka Nauli
Lujuluju Nang Akka Pansamotan.
Sahat sahat Ni Solu
Sahat Ma Tinogu Tu Bottean
Sahat Ma Hamu Leleng Mangolu
Sahat Ma Tu Panggabean Sahat Ma Tu Parhorasan.
E M M A T U T U 🙏 🙏 🙏
Sattabi Ma Amang Raja Inang Soripada, Molo Tung Adong Nahurang Lobih Rap Hita Pauneunehon 🙏
#TipsMandokHataPasahatUlosHeka
#PasahatUlosHela #AdatBatak
#EdukasiAdatBatak
Bila Berkenan Tolong Dibagikan
Postingan Saya ini 🙏
